Pè Michele, a me cunsorte
A me Michele cusí amata
Cum' è ventu ti ne sí andata
Corcia, tinta é disgraziata
Guaiu mi hè venutu addossu
U me core hè assai cumossu
Senza sente a me trista chjama
Spruvista d'angosciu è di brama
In Scheolu (1) avà dormi calma
Ma Redentore, u Celestu Rè
Frà pocu ùn si scarderà di tè
Tù chì amava tantu à Ghjevvah
Di a tomba prestu ti caccerà
Ghjuventù è salute ti darà
S'è pè Signore morgu fidatu
A to voce, iè, a senteraghju
O Falcina, maladetta morte
Mi ai rubatu a me cunsorte
Ma lascia fume, ùn ti ralegrà
L'Eternu Diu ti hà da ghjudicà
U Lacu di focu ti brusgerà
Mai più ùn puterà ricullà
U to Babbu, Satana, Creperà
Pè sta ignobile Creatura
Cantaremu: Cibba! Crepatura!
D'u t'amore ùn mi possu scurderà
M'ai curatu o Figliola di Ghjah
Cù grande è bella sincerità
Pensendu à dà è nò à piglià
Spiritu santu di i nostri Rè
Suffia cù putenza nant'à tè
Da ognunu era ben stimata
Avia fatti è pocu parlata
Un'eru più un abbandunatu
Ma un predicatore beatu
Sì stata una donna diritta
In u Libru di Ghjevvah sì scritta
U to nome ùn sarà sguassatu
Ma da u nostru Babbu onuratu
O donna bella da fond'à cima
Leghjiia cù piacè a me rima
O caru Puema incarnatu
Solu, senza tè à u me latu
Sò sempre corciu, addisperattu
Ghjevvah deve esse veneratu
Ma t'aghju veramente amatu
Oghje ghjornu, ghjuventù ùn aghju
U to ricordu mi dà curaghju
Fede, Speranza in u vinente
Prumessu da Suvranu pudente (2)
Ghevvah, u nostru Liberatore
Ellu solu hè u Creatore
Ma hà mandatu u so Pastore (3)
Pè tumbà u Babbu di l'Errore
Nò, ùn simu più disgraziati
Ma da ellu, oghje, riscattati
M'arrizzu è pigliu cialambella
T'aspettemu cara culumbella
JMB
Note:
1 – Scheolu: in ebraicu, Adessu in grecu, Tomba o Infernu in corsu
2 - J'ai écris souvent "Putente" c'est une erreur, l'orthographe correct est "Pudente".
3 – Pastore: Ghjesù Cristu