O corti mi cacci a stanchezza
A to aria hè una carezza
Facciu partita di l’omi scorti
Oghje mi sò stallatu in Corti
Sta cità hè pruvista d’amore
A me rima si mette à corre
Scurdendusi di e so macagne
Barche cullina, culletta, muntagna
Cum’è cerva micca imbrichjosa
Ella, curiosa, pense è posa
O Corti mi cacci a stanchezza
A to aria hè una carezza
Bellissimu stazzu benedettu
Cusì bellu ch'ellu hè u to tettu
O caru rughjone cirneanu
Mi stimuleghji pè u Supranu
Denduti cù grazia a so manu
Ch’ellu ti offri risu è granu
Tantu amatu versu nustrale
Fisca è canta pè stu lucale
Sia chjaru, dolce, furibbondu
Da fondu à cima, da cima à fondu
Facciu partita di l'omi calmi
Quì, sò stallatu pè stimulammi
Incù sante manne di cunfortu
In stu paese entru è sortu
U me verbu ùn hè mai mai mutu
E’ da ognunu hè cunnisciutu
Capricciosu ùn vole penciulà
Allegru si mett’à impruvisà
JMB
Musique : Louis Mariani Rutherford