Aiacciu tù ùn aghja mai intarru
Per cumbatte à Pilutunacciu
Assai volte vocu in Aiacciu
Di gioia l’anima meia franta
U so ariu mi spanna, m’incanta
Per disghjumillà un certu lacciu
Alegru mi fermu in Aiacciu
Aiacciu tù ùn aghja mai intarru
U to core spruvistu di farru
Hè cusì tamantu, o tamantu
Ti lodu, lodu cù u me cantu
Escendu di spiritu è pettu
Mi aiuti cù u to affettu
Aiacciu, caru capilocu
I to scogli spulenu focu
Pé dà forza à u me bracciu
Alegru parlu cù Aiacciu
Cuntentu, cantu in Aiacciu
Ellu ùn risponde invanu
Degnu, fieru, mi tende manu
E’ pè strughje megliu u ghjacciu
Mi calu un po’in Aiacciu
Mi sentu omu furzacutu
Per parlà, cantà è stà mutu
Capilocu cursicanu
Benedettu da Supranu
Mai mai tù ùn sì sarratu
Mi piace u to parlatu
Cù u meiu sò fratelli
Ghjochenu cum’è zitelli
Aiacciu mi ricordu di tè
Ai fattu nasce più chè rè
Un grande Imperatore
Indù u mondu interru
Era piu cà Gran Guerrieru
Un forte è ver' Umone
Un fieru Arcifalone
Chjamatu Napuleone
Prestu prestu riturnerà (1)
A Battaglia a lascerà
E’ incù noi ghjucherà
Malgradu i corri corri
I mughjacci, i rimori
Cù schiettu, Veru Amore
Leghjì Legge d’u Signore
Li dede a vera gloria
Questa ùn hè falza Storia
Disse : "Cristu da luntanu
Cunduce u mondu sanu
Eiu accantu à l’Agnellu
Sò chjucu è chjuculellu".
O Corsu, dormi in pace
Vechja età Diu sface
Nostra Tarra diventerà
Santu locu di felicità
Pilutone smariscerà
Nisunu più mai pienghjerà
JMB
Nota : (1) In u Paradisu Terrestru, i ghjusti è l’inghjusti saranu risuscitati. Napuleone, anc’ellu, ritruverà à vita è s’ellu stà à sente e Legge date da à Guvernu di Ghjesù puterà, pè u sempre, campà cum'è un Veru Cristianu.
Spiecazione :
Napuleone hà dettu ste parole : « Frà pocu tempu Cristu risolverà l’affari di u mondu sanu. U Paradisu, nant’à a Tarra sarà stabilitu. L’umanità camperà in pace ». Napuleone leghjia a Sacra Parolla, ma nant’à parechji è parechji punti ùn la misse in pratica. Ellu a sapia... U Diavule, ben piattu, chi face è sface, u misse in manu à u nemicu.