Cari amici di a Veritai,

 

Per capisce chjaramente u Sacrifiziu Prupiziatoriu di u nostru Signore Ghjesù Cristu, i Leali Servitori di Diu anu cun'elli : spiritu santu, Santa Bibbula è fidata Cungreca Cristiana.

 

 

 

Ghjevvah Diu ci dà un Salvatore

 

1-U primu Essere spirituale era per Diu cum'è un Figliolu Primugenitu. Ghjevvah u tenia caru assai, è per via d'ellu distrughjerà i Pessimi Pcellerati è salverà l'umani ubbidienti.

San Ghjuvanni 3 :16,36 : O  Tamantu ch'ellu hè l'Amore di Diu per u mondu! U so Figliolu, l'Unigenitu, ellu l'hà datu, affinchè chiunque crede in ellu ùn sia distruttu, ma aghja a Vita Eterna. (...). Quellu chì hà fede in u Figliolu averà a Vita Eterna ; quellu ch'ùn hà fede in u Figlioludi di a vita sarà privu, [ cun'ellu sarà a mattana sana sana di Diu ].

 

 

2-Ghjevvah si privò di u so caru Figliolu per fallu nasce nant'à a Tarra. A mamma di Ghjesù si chjamava Maria.

San Lucca 1 :30-35 : E' l'anghjulu li disse : "Un'aghja timenza o Marì, perchè u favore di Diu hè cù tè ; è eccu cunciperai in u to senu è metterai à u mondu un figliolu, è u chjamerai Ghjesù. Questu averà grande rinoma è sarà chjamatu Figliolu di l'Altissimu ; è Ghjevvah li darà u tronu di Davide, u so Babbu, è ellu regnerà nant'à a casa di Ghjacobbe per u sempre, è di o so Regnu ùn ci sarà fine ». Ma Maria disse à l'anghjulu : « Ste cose cumu ponu avvene, chì ùn mi hè datu di cunnosce l'omu ? ». L'anghjulu li disse : « u spiritu santu cù a so ombra t'ammanterà. Per sta ragione dunque quellu chì nascerà sarà chjamatu santu, Figliolu di l'Altissimu. »

 

 

 

3-Da maiò, Ghjesu cose belle è bone quant'ellu ne fece é insegnò! Ellu sempre dicia chì Ghjevvah hè l'Unicu è Veru Diu.

 

San Marcu 12 :29-30 : Ghjesù rispose : « U Primu [Cumandamentu] hè : stà à sente o Israele : Ghjevvah, u nostru Diu, hè un solu Ghjevvah, è tù devi tene caru à Ghjevvah cù tuttu u to core è cù tutta a to mente è cù tutta a to forza. U secondu [cumandamentu] hè questu : Devi tene caru u to prossimu cum'è à tè stessu.

 

 

4-Ghjesù dicia chì l'adurazione deve esse data esclusivamente à Ghjevvah. Inoltre sempre parlava di u Regnu di Ghjevvah Diu, u so Babbu.

San Matteiu 4 :10 : Allora Ghjesù disse : « A' a larga o Satà ! Perchè hè scrittu : ‘L'adurazione deve esse data unicamente à Ghjevvah, (u nostru Diu), è à ellu solu devimu dà sacru serviziu.'»

 

San Ghjuvanni 4 :23-24 : Tuttavia l'ora ùn tarde è hè questa : i veri Cristiani danu à Ghjevah l'adurazione cù spiritu é verità. Ellu ùn cerche ghjente chi vole fà altrimente. Diu hè un Spiritu, è chiunque vole u so favore deve dalli l'adurazione cù spiritu è verità.

 

San Lucca 17 :20-21 : Ma quand'ellu fù interrugatu da i Farisei à prupositu di u Regnu di Diu è di a so venuta, li disse : « U Regnu di Diu ùn vene in manera da fassi uchjà : Nisunu dicerà : ‘Ecculu quì !' o : ‘custì !' Perchè u Regnu di Diu hè in mezu à voi. »

 

 

 

5- Ghjesù guaria i malati è facia numerose bone cose; gattive cose mai.

 

Atti 10 :37-38 : Site à capu di e cose dette in tutta a Ghjudea , cumincendu da a Galilea, dopu à u battezimu chì Ghjuvanni predicava, cioè Ghjesù di Nazaret, in chì manera Diu l'unse cù spiritu santu è putenza. Ellu andò per u paese fendu u bè è risanendu tutti quelli chì eranu in manu à Pilutone [u Diaule]. Diu era cun'ellu.

 

1 San petru 2 :21-22 : Iè, à sta cundotta fuste chjamati, perchè ancu Cristu suffrì per voi, acciochè vo siate i so imitatori. Un solu peccatu ùn l'hà cumessu, è a so bocca hè sempre stata spruvista d'ingannu.

 

 

 

6- A'tempi passati Diu avia dettu à l'omi di sacrificà animali per i so peccati. Ghjesù ùn sacrificò animali, ma dede à sè stessu cum'è Sacrifiziu per noi.

 

Ebrei 7 :25,27 : In cusequenza ellu pò, cù manera perfetta, salvà quelli chì si avvicinenu à Diu per via d'ellu. Iè, campe per u sempre è hè un Avucatu per elli. (...). Ellu ùn hà bisognu di offre sacrifizii ogni ghjornu, cum'è i Sommi Sacerdoti , prima per i so proprii peccati è poi per quelli di u populu ; perchè fece què una volta per u sempre quand'ellu offrì à sè stessu.

 

San Matteiu 20 :28 : U Figliolu di l'omu ùn hè venutu per fassi serve, ma per serve è per Riscattà assai ghjente dendu à sè stessu.

 

 

 

 

Predilette picurelle di u bon Pastore,

 

Senza alcuna timenza, s'è vo vulete esse benedette da Ghjevvah è da Ghjesù, pruclamate u Bellu Messaghju ch'è vo venite di leghje.

 

« A luce divina risplende e si sparnuccianu i bughjoni. » 1 San Ghjuvanni 2 : 8

Sarate l'ochji... state à sente un pueta corsu chì cante :

« Lasciate a machja o predilette picurelle
Venite in a chjarina cù e vostre surelle.
Seguitate l'Anghjulu Pastore
U Figliolu di u Creatore.
Ind'è noi pruclamate l'Amore
Di u nostru caru Redentore.
Aghjomai Pienti è Gridi addiu...
Cantate u bellu Regnu di Diu...
Cantate, Cantate Novu Mondu...
Gran Satana prestu sarà tombu. »

 

J M B

 

 

Care ghjente di u me Cirnu,

 

Aghjate Fede e Speranza. Ghjesù hà offertu un Sacrifiziu per i peccati in perpetuu è si hè calatu à a diritta di Diu. (Ebrei 10 : 12).

 

Ghjevvah è Ghjesù sianu cù voi.

Cù affetu è amore vi salutu.

 

J M B