Chi ne sarà di a morte

Jérôme Mulas Benedetti, Poète, Traducteur de plusieurs livres de la Bible en langue corse

Chi ne sarà di a morte?

Carissimi tutti è tutte,

Oghje , sempre cù l'aiutu di a Santa Parolla di Ghjevvah Diu , vi scrivu per davvi esatte spiecazione nant'à a morte. A Bibbula bugie è bugiardarie maì ùn ne dice. Salmu 119 ;160

JMB

Chì ne sarà di a morte ?

1-Quand'ellu more l'omu torna polvare, più nulla ùn sà..

Salmu 146 :4 : Sì n'esce u so fiatu, à a tarra face ritornu.

2-I morti ùn vi ponu parlà, sò à l'aggrancu.

Ecclesiaste 9 :5,10 : A u vivu ùn li scappe u sintimu di a so fine, ma i morti ùn sanu più nulla , perchè u so ricordu hè statu sminticatu.(...).Tuttu ciò chì a to manu trove à fà , cù vigore fallu , perchè ùn ci hè nè sapè , nè prughjettu , nè saviezza in u Scheol* , locu duv'è tù anderai.

3-Anghjuli tanti è più si sò ingattiviti. Per facci crede ch'è ùn murimu veramente si facenu passà per morti . Anu ingannatu è ingannenu sempre a catamora umana.

Ghjenesi 6 :1,2 : Quandu chì l'omi cumincedenu à bulighjà nant'à a Tarra è ch'elli ebbenu figlioli e figliole , i Figlioli di Ghjevvah Diu [ cert'anghjuli ribelli ] vidinu a gran billezza di e ghjuvanotte. Pigliendu forma umana si strinsenu cù tutte quelle ch'elli avianu sceltu.

Ghjeude 6 : E' Diu l'hà messi [ l'anghjuli ribelli ] in guardia, in prufondi bughjoni , cù lienda sempiterna , per u Ghjudiziu di u Gran Ghjornu . Elli ùn anu mantenutu a so origine , ma anu lasciatu a stanza soia.

4-Ghjevvah Diu ùn vole in alcuna manera ch'è no stiamu à sente st'anghjuli impii chjamati demonii.

Esodiu 22 :18 : A strega ùn la lascià campà !

Deuteronomiu 18 :10,11 : Ind'è tè ùn vogliu truvà nisunu chì dià u so figliolu o a so figliola à Molec [ diu di u focu ], nisun divinatore, nisun magu, nisunu chì cerchi i presaghji, nisun stregone, nisunu chì lei l'altri cù maganzia*, nisunu chì cunsulti un mazzeru, nisunu chì induvini l'avvenimenti, nisunu chì interroghi i morti .

Deuteronomiu 32 :17 : Davanu offerte à i demonii , micca à Diu , dii ch'elli ùn avianu cunnisciutu , dii ghjunti pocu tempu fà , incunnisciuti da i so antenati.

5- U Spiritismu , a Magia , a Divinazione sò cose chì Diu ùn pò pate . Ancu à noi , servitori di Ghjevvah é di Ghjesù Cristu, l'emu in schifeghju.

Galati 5:19-21 : L'opare di l'umani , opare sensuale , sò a Furnicazione, a cundotta dissuluta, l'idulatrie, u spiritisimu, l'impurità, e nemicizie, e cuntese, ghjelusia, e litiche, a rabbia, e divisione, l'insette, l'invidie, e festacce, e sbornie é cose simile . Cuncernendu ste pratiche, vi mandu u me avertimentu, avertimentu ch'e v'aghju digià datu : « Quelli chì anu quesse, e pratiche, mai ùn erederanu u Regnu di Diu.

Traduttore J M B

__________________________________________________________

Cari amichi di a Verità ,

Un pruverbiu corsu dice : « U nostru Signore ùn paghe tutti i sabati , ma quand'ellu paghe hà ancu a muneta ». Da quì à pocu, s'è Diu vole, vi stalbaraghju a storia di un anticu finimondu .
U smiritatu favore di Ghjevvah Diu è di u so Missia sia cù voi .
Cù affettu è rispettu vi salutu.

J M B

__________________________________________________________
* Spiecazione :

1-Scheol :parolla ebraica chì tradutta vol' dì : sughjornu di i morti.

2-Maganzia o ganzia o magia o innuchjatura

Déconnecter | Modifier