Cristu ti parla
S'è tù sì un' affettuosu umanu
Da a cima di l'alta muntagna
Feghj'è lampa u to ochju luntanu
Senz' avè paura di a Techja Cagna
Cristu ti parla
Cristu ti chjama
Per biancu pannu
Dalli a manu
Fratellu corsu
Per tè si hè mossu
E' Bestia Immonda
Aghjomai tomba
S'è tù ten' un pocu di cumpassione
Per caccià d'u desert' anima arfagna
Lascia corre u Currottu Rughjone
Sciaccati disturbu di u manghja manghja
Cristu ti parla
Cristu ti chjama
Piglia Speranza
Aghja Pacienza
In u Rinnovu
U Mondu Novu
Sò compii i pienti
Per tutt' i nucenti
S'è tù cerchi a Ghjustiza è l'Amore
Di l'Onore aghjane Grande Lenza
Ven' in Stazzu di l'Anghjulu Pastore
Lampa ìn u focu Canaglia Timenza
Cristu ti parla
Cristu ti chjama
Muntagna piana
A Tarra sana
Satan' hè mortu
Fiori indù l'ortu
A mort' hè smarita
Per l'Eterna Vita
JMB
Musique: Bruno Baccara
Chanteurs: Régine et Bruno