Sfidati di a dunnaccia Galera
Figliolu sì una lumera
Sfidati di a dunnaccia Galera
Hà belli ochji luccichenti
Graziosa bocca, schietti denti
Iè, e so parolle sò mele
Ma ùn hè serva di Michele
Stà cù a to cara mufrella
Dolce, vertuosa zitella
Ella ti dà a chjara Acqua
Bon licore è santi frutti
Sempre i ti rigale tutti
Basgia cù sinceru affettu
E so labbre è u so pettu
Un' ti scurdà di u rispettu
Curaghjosu è risalutu
Pè faccende dalli l'aiutu
Sì omu di u Novu Mondu
Un' invidià u muribondu
Stu Gran Amicu d'Impurità
Cù piacè à brutteghji si dà
Senza timenza pè Ghjevvah
Ma frà pocu morte averà
Nò, un puderà risuscità
Di predicà mai ùn ti scurdà
Incù a to cara cunsorte
In casa di Ghjah devi andà
S'è tù brami a Felicità
Lascia corre e ghjente storte
Cù fede è bellu ardore
Seguiteghja u Redentore
Stringhjendu a Donna Primura
Leghji, studia Sacra Scrittura
Diu ti fideghje da Lassù (1)
L'amica di a to ghjuventù
S'è tù a privi di Sumenta (2)
Diventera mugliera scuntenta
Devi dalli u so devutu (3)
Nò, micca cum'è un brucciutu (4)
A Santa Parolla stà à sente
Hè ispirata da Putente (5)
Godi vita cù a mufrella
A to Sposa, a to Surella
Note:
1 – Lassù o quassù: l'Alti celi
2 - Sumenta. Ben chì a 'maior' parte di e moglia bramenu avè figlioli è figliole, certi umacci e privenu di sumenta.
3 – Devutu: Un maritu deve dà u so devutu (intimu, lecale) à so sposa. Stu cumpurtamentu, quandu chì a ghjente hè maritata, ùn hè furnicazione, ma bon piacè agraditu da Diu.
4 – Micca cum'è un brucciutu. L'omu di Diu, quand'ellu dorme cù e so moglia, ùn deve cumpurtassi cum'è l'umacci di stu vechju mondu chì praticheghjemu i brutteghji satanichi.
5 – Ghjevvah Diu